darkrider

Brukte standard NAF-kjøpskontrakt. Der er det kryssa av for at bilen "selges som den står", så det med rusten er vel kanskje vanskeleg å få gjort noko med. Men den type rust bør vel ikkje gå igjennom ein EU-kontroll? bilen var nettopp EU-godkjent. Men eg har lese at seljar er pliktig å informera om eventuelle kollisjonsskadar og ting som går på ombygging og slike ting??

Kjøpte ein Mitsubishi Galant 1.8 Glsi, km-stand 75000, til kr 49000 for 3 veker sidan. Såg over bilen og prøvekøyrde han, og alt verka bra. Kjøpte bilen og tok han med meg heim. 2 veker etterpå skulle eg jekka bilen opp bak for å sjekka bremsekalipperane, som såg rusta ut. Eg såg i instruksjonsheftet fyrst for å sjekka kor jekkefestet var, så fann det og jekka opp, men i det eg jekkar, høyrer eg stygge rustlydar og ting byrjar å gje etter. Det viser seg at bilen hadde rust ved jekkefestet, ein god del, som må sveisast. Kan jo sei at det var min feil som ikkje sjekka godt nok etter. Så i dag jekka eg opp bilen på nytt, denne gongen med ein garasjejekk og bukkar, for å sjå under bilen. Den såg bra ut bortsett frå det nemnte området. Men, så la kompisen min merke til at bilen var plombert under, så opna panseret og sjekka karosserinr, dette stemte ikkje overeins med originalnr. Bilen har altså vore ombygd! Dette sa ikkje seljar noko om. Ved nærmare ettersyn viser det seg at bilen har vore kollisjonsskada også. Kan jo godt henda at bilen ikkje har gått 75000 km og, kanskje den har gått mykje meir? Seljar lot vera å nemna alt dette. Dette bør vel vera grunn nok til å få heva kjøpet? Nokon som har erfaring på dette området? Bilen er jo betrakteleg mindre verdt enn det eg kjøpte han for..